Im März 2020 hend mir e arterichi Struchbeerikultur im Umfang von 30 Aare agleit. Die umfasst 14 verschiedeni Beeriarte. Bewusst sind nur Arte pflanzt worde, wo möglichst robust und widerstandsfähig i de Bereiche Krankheite, Schädling und Witterig sind. Denn üses Ziel isches, üsi Beeri möglichst ohni Pflanzeschutzmittel und nur mit ganz wenig Dünger z pflege. Zudem lieht üs d'Natur und ihri Schützling sehr am Herze. Us dem Grund belönd mir s'Umfeld vo üsem Beerifeld möglichst naturgemäss und bütet somit vielne chline Insekte en arteriche Lebensruum. Zudem wird zwüschet de Beerireihene nöd uf de gsamt Breiti gmäht, so dass sich en Altgrasstreife mit vielne Wildblueme bildet. Bereits im erste Johr isch erfreulicherwiis z'beobachte gsi, dass sich diversi Hummle, Schmetterling und Schwebflüge a de Blueme erfreut hend.